أخبار وطنية هذا ما قاله معز الجودي عن مسيرة عبير موسي في صفاقس
نشر الخبير الاقتصادي معز الجودي تدوينة على صفحته الخاصة بموقع الفايسبوك تحدث من خلالها عن المسيرة التي نظّمها الحزب الدستوري الحر اليوم 20 مارس بصفاقس تحت إشراف رئيسته عبير موسي، وجاء في التدوينة ما يلي:
"خطاب تاريخي اليوم لعبير موسي في صفاقس!! عبير كسبت معركة الشارع، كسبت ثقة و محبة التوانسا، كسبت الشعب إلي دخلت معاه في تواصل مباشر كيما كان يعمل أب الإستقلال و زعيمنا الكل الحبيب بورقيبة.
عبير اليوم جاوبت الجهات و الناس الكل، حتي بايدن رئيس الأمريكان توجهتلو بالكلمة و قاتلو رانا ما نبنيوش ديمقراطية مع إخوان التخريب و الخراب و إذا تحبو تعاونو تونس، إحترمو سيادتها و فكو الإرتباط و الدعم للإخوان!! اليوم عبير فسرت ٱش صار الأيام الإخرة و عطات العديد من المعطيات إلي برشا يفتقدوها و ما يعرفوهاش.
اللإعلام النزيه و الموضوعي له كل الإحترام و التعاون. لا لتوظيف و لا لإفتعال القضايا و لا لتضخيم و لا لركوب علي الإحداث و إستغلال المواقف و تحريف الحقائق. عبير عرجت علي المواضيع الإقتصادية و ذكرت برنامج الحزب و المشاريع المعطلة خاصة في صفاقس و تدهور الوضع و إحتضار المالية العومية.
منعرج حقيقي في الحياة السياسية بمناسبة عيد الإستقلال و إلي ماهوش قاري حساب لعبير و الدستوري الحر و يعتبر فيهم ظاهرة سوف تزول، غالط علي طول الخط و كل يوم بش تجيه إجابة.
تحية لصفاقس و لصفاقسية محلاهم و مرجلهم و مقواهم بنساهم و رجالهم و تحية لقوات الأمن و للفرق المختصة علي حرفيتهم و تفانيهم في حماية الشخصيات المهددة و حفظ امن المواطنين. عيد إستقلال سعيد و تحيا تونس حرة منيعة".
